Nakaupo sila Yvonne at Kelvin sa sahig. Nasa harapan ni Kelvin si Yvonne at nakasandal ang likod sa katawan niya habang siya naman ay nakasandal ang likuran sa sofa at yakap-yakap sa bewang ang nobya.
Nakaligo at nakapagbihis na silang parehas. Nasa living room sila ngayon at nanunuod ng balita sa telebisyon na nasa harapan nila.
“Haaay! Grabe ang mga balita ngayon,” sambit ni Yvonne. “Kaya nakakawalang-gana ring manuod ng balita kasi pasama nang pasama ang mga nangyayari,” aniya pa.
Sumilay naman ang maliit na ngiti sa labi ni Kelvin. Bahagya rin siyang tumango bilang pagsang-ayon sa sinabi ng nobya.
“Kanina p*****n sa kalsada ang balita tapos ngayon naman teenage pregnancy,” wika pa ni Yvonne. “Pataas nang pataas ang bilang nila. Ano na lang ang mangyayari sa kanila? Nakakaloka!” pag
