Nasa loob ng madilim na sinehan sila Yvonne at Kelvin. Magkatabi silang nakaupo sa pang-limang row, bandang kanan at kasalukuyang pinapanuod ang pelikulang ipinapalabas sa malaking LED screen sa harapan.
Kumuha ng isang caramel popcorn si Kelvin saka inilapit iyon sa bibig ni Yvonne. Ngumiti naman ang labi ni Yvonne bago niya isubo at nguyain ang popcorn na ibinigay sa kanya ng nobyo ng hindi tumitingin. Tutok na tutok lamang ang mga mata niya sa panunuod.
Lumaki naman ang ngiti sa labi ni Kelvin habang tinitingnan si Yvonne. Muli niyang inulit ang pagpapakain ng popcorn kay Yvonne na tinanggap naman ng huli. Kumain rin siya pagkatapos.
Iniwas ni Kelvin ang tingin kay Yvonne at nanuod na ulit ng pelikula. Maganda ang pelikulang pinapanood nila. Isa itong action-comedy tungkol sa isang b
