Bantay ngayon sa bigasan ni Manang Helga si Kelvin. Nasa loob siya ng tindahan nito sa palengke at nakaupo sa monobloc chair na kulay green. Wala si Manang Helga at wala ring bumibili sa mga oras na ito kaya naman malaya si Kelvin na tingnan ang phone niya.
Napapangiti ang labi ni Kelvin habang tinitingnan ang mga litrato nila ni Yvonne sa phone niya. Kuha ito sa mga naging date nila sa mga nakalipas na buwan. Ang mga buwan na iyon ang masasabi niyang pinakamasayang buwan para sa buhay niya.
“Ang ganda ng kuha dito. Ito ‘yung sa amusement park,” mahinang sambit ni Kelvin. Natawa pa siya dahil sa kanyang naalala. “Nakakahiya kay Yvonne kasi pagkatapos naming sumakay dun sa roller coaster, sumuka ako nang sumuka. Grabe ang tawa niya nun!” aniya pa. “Nakakahilo naman kasi,” saad pa niya sak
