Hindi napigilan ni Yvonne ang paghikab ng kanyang bibig. Medyo napagod siya sa ginawa niyang trabaho na tinapos na niya sa kanyang opisina.
Bahagyang shinake-shake ni Yvonne ang kanyang katawan at ulo para magising ang diwa niya. Pagkatapos niyang gawin iyon ay dahan-dahan niyang inikot ang inuupuan niyang swivel chair at hinarap iyon sa malaki at salaming bintana.
Napangiti ng maliit si Yvonne nang makita ang paligid sa labas. Madilim na ang kalangitan at nagsisimula na ring maging bilog ang buwan. Nagkikislapan naman sa paligid niya ang mga bituin na mas marami ngayon kumpara kahapon.
Sobrang ganda ng mga nakikita ni Yvonne mula dito sa itaas. Dahil mas mataas ang company building niya kumpara sa iba, nakikita niya ang tuktok ng mga building sa ibaba. Tila mga Christmas lights ang mga
