Nasa park ngayon si Kelvin. Naisipan niyang mag-jogging kaya ito ang ginagawa niya ngayong umaga.
Napapangiti si Kelvin habang tumatakbo ng medyo mabagal. Tumingala pa siya at nakita niya ang maaliwalas na kalangitan. Maganda ang panahon at medyo malamig ang hangin.
Habang patuloy na nagjo-jogging ay naisip ni Kelvin si Yvonne. Ngumiti ulit siya. Isasama sana niya ito ngunit maaga itong pumasok sa opisina dahil may trabaho pa siya na kailangang asikasuhin.
Nagbuga na lang ng hininga si Kelvin saka nagpatuloy sa pagtakbo. Maya-maya ay huminto muna siya sa pagtakbo at nilapitan ang tindero na nagtitinda ng tubig. Bumili siya ng isang bote at ininom iyon ng isang lagukan lang.
Matapos itapon ni Kelvin ang bote ng tubig sa basurahan ay nagpatuloy siya sa pagtakbo. Namumuo na ang pawis sa n
