Nakauwi na ng bahay si Yvonne. Nakatayo siya sa harapan ng bintana at malayo ang tingin habang nakahalukipkip ang mga braso.
Tumatakbo sa isipan ngayon ni Yvonne si Alexa. Sa totoo lang, hindi niya inaasahan ang pagau-audition nito para sa ad at ang muling pagkikita nila kanina.
Hindi maalis sa isipan ni Yvonne ang sinapit ni Alexa sa kamay ni Eiann. Malaking palaisipan sa kanya kung ano nga ba ang tunay na nangyari kung bakit hindi rin sila nagtagal. Hindi din maiwasang isipin ni Yvonne na maaaring siya ang dahilan kaya naghiwalay ang dalawa. Iniisip niyang baka may damdamin pa si Eiann para sa kanya kaya ganun ang kinahantungan ng dalawa.
Bahagyang umiling-iling si Yvonne. Mahina din siyang natawa sa kanyang sarili. “Bakit ko ba iniisip ‘yun?” tanong niya pa sa hangin. “Hindi dapat ak
