Nakahalukipkip ang mga braso ni Yvonne habang tuwid na nakatayo sa bandang gilid ng studio. Tinitingnan niya si Alexa na panay ang project sa harapan ng camera.
Kasalukuyang ginaganap ang look test para sa gagawing advertisement ng kumpanya. Lahat ay abala sa kani-kanilang ginagawa at tinitingnan naman iyon isa-isa ni Yvonne.
Napangiti nang tipid si Yvonne habang tinitingnan pa rin si Alexa. Tumatango-tango rin siya ng bahagya. Masasabi niyang magaling sa kanyang ginagawa si Alexa. Sa tingin nga niya ay nag-aral din ito sa pagmomodelo.
Napatingin naman si Alexa sa kinaroroonan ni Yvonne. Ningitian niya ito na sinuklian naman ng maliit na ngiti ng huli saka isang tango. Napatango na lang din si Alexa.
Maya-maya ay naramdaman ni Yvonne ang pag-vibrate ng kanyang phone na nasa bulsa ng su
