Nasa loob ng apat na sulok ng kanyang opisina si Yvonne. Abala siya sa ginagawa niyang trabaho sa kanyang nakabukas na laptop. Tutok na tutok ang kanyang mga mata sa screen nito habang mabilis na tina-type sa keyboard ang mga salitang sinasabi niya sa loob ng kanyang utak.
Lumipas pa ang mga minuto ay pumasok si Fora sa loob ng opisina ni Yvonne at nilapitan ang office desk nito. Nang makalapit ay tumayo siya sa harapan nito saka ngumiti.
“Ma’am,” magalang na pagtawag ni Fora kay Yvonne.
Napatigil sa ginagawa si Yvonne. Inalis niya ang kanyang tinginsa screen ng laptop at tiningnan si Fora kasabay ng bahagyang pagtaas ng kanyang kanang kilay.
“Why?” patanong na sambit ni Yvonne kay Fora.
“Ah, Ma’am, may bisita po kayo na naghihintay ngayon sa labas,” wika ni Fora na ikinakunot na ng n
