Madaling-araw na natapos sa kanyang ginagawa si Eiann. Sobrang tahimik ng paligid niya. Nagbuga siya ng hininga saka inayos ang pagkakasuot ng kanyang eyeglass.
Nag-stretching pa ng mga braso si Eiann habang siya’y nakaupo. Matapos mag-stretching ay tiningnan niya ang oras sa digital clock na nakapatong sa office desk niya. Maga-alas dos na ng madaling araw.
Muling tiningnan ni Eiann ang laptop niya. Sinave niya ang ginawa niyang documents doon saka pinatay na rin ang kanyang laptop at tiniklop ito.
Matapos patayin ni Eiann ang laptop ay napatingin naman ang mga mata niya sa gilid ng mesa kung saan naroon ang mug na wala ng laman dahil nainom na niya ang kape na nilalaman nito kanina. Naalala niya si Alexa na siyang nagtimpla ng kape niya kanina.
“Umuwi na kaya siya?” pabulong na wika
