Unti-unting idinilat ni Eiann ang kanyang mga mata. Ang mataas na kisame ng kanyang kwarto ang kanyang unang nakita. Seryoso lamang ang kanyang mukha habang nakatitig doon.
Ilang sandali pa ay dahan-dahang bumangon saka naupo sa ibabaw ng kama si Eiann. Bumagsak pababa ng kanyang hita ang nakabalot sa kanyang comforter.
Nag-stretching ng mga braso at kamay si Eiann. Inikot-ikot din niya ng bahagya ang kanyang ulo para tuluyang magising ang diwa niya. Maya-maya ay tuluyan niyang inalis sa kanya ang comforter saka siya umusog papunta sa gilid ng kama. Kinuha niya ang kanyang eyeglass na nakapatong sa ibabaw ng bedside table saka iyon isinuot.
Hinanap ng mga paa niya ang kanyang tsinelas na nasa ibaba lamang ng kama. Nang maisuot ang mga iyon ay tumayo siya at tuluyang umalis sa kama.
Nag
