Dahan-dahang binuksan ni Alexa ang pintuan ng bahay ni Eiann saka siya pumasok sa loob. Malaya siyang nakakapasok at nakakalabas sa bahay nito para madali niyang mapupuntahan ang anak nilang dalawa na si Arvus.
Maliwanag pa sa loob ng bahay kahit malalim na ang gabi. Walang ingay na isinarado ni Alexa ang pintuan.
“Good evening, Ma’am.” Nilingon saka hinarap ni Alexa ang yaya ni Arvus na bumati sa kanya. Ningitian niya ito saka naglakad siya palapit rito.
“Si Arvus?” tanong ni Alexa sa yaya pagkalapit niya rito. Nakatayo na siya sa harapan nito.
“Nasa kwarto po niya at natutulog na,” magalang na sagot ng yaya.
Napatango-tango naman si Alexa. Tiningnan pa niya ang dala-dalang tray ng yaya na naglalaman ng plato, kubyertos at baso na wala ng laman.
“Pinagkainan ba ‘yan ni Arvus?” tanon
