Nasa loob ng kanyang opisina si Yvonne. Nakaupo siya sa kanyang swivel chair at nakatutok ang mga mata sa screen ng kanyang laptop na nakapatong sa ibabaw ng kanyang glass office desk. Abala siya sa pagta-type sa kanyang laptop nang pumasok naman si Fora.
Nag-aalala ang mukha ni Fora habang naglalakad palapit sa kinaroroonan ni Yvonne. Dala-dala niya ang kanyang tablet.
“Excuse me po, Ma’am.” Nakuha ni Fora ang atensyon ni Yvonne. Tumigil ito sa pagta-type sa keyboard saka tiningnan ang secretary niya na nakalapit na sa kanya at nakatayo sa tabi ng office desk niya. Bahagyang tumaas ang kanang kilay niya.
“Why?” pagtatanong ni Yvonne sa nagtatakang tono.
Ngumiti nang nag-aalangan si Fora. “Actually Ma’am, mayroon po tayong malaking problema ngayon,” sambit niya na ikinakunot ng noo ni
