Nasa loob ng kotse sila Kelvin at Yvonne. Nakaupo sa passenger’s seat si Kelvin habang sa driver’s seat naman si Yvonne at siyang nagmamaneho ng kotse.
Nakatutok ang mga mata ni Yvonne sa daan habang matamang nakatingin sa kanya si Kelvin na nangingiti pa.
Maya-maya ay sandaling tiningnan ni Yvonne si Kelvin. Kinunutan niya ito ng noo saka ibinalik rin ang tingin sa daan.
“Bakit ka nakatingin sa akin ng ganyan?” nagtatakang tanong ni Yvonne kay Kelvin.
Lumaki ang ngiti sa labi ni Kelvin. Nagkibit-balikat din siya. “Wala lang. Gusto lang kitang tingnan,” aniya pa.
Sumilay ang maliit na ngiti sa labi ni Yvonne. “Ikaw ang sisisihin ko kapag natunaw ako ng dahil sa pagtingin mo, ah?” patanong niya pang sambit.
Mahina namang natawa si Kelvin. “Bakit? Nakakatunaw ba ng puso ang pagtingin k
