Dahan-dahang idinilat ni Yvonne ang kanyang mga mata. Sumalubong sa kanyang paningin ang napaka-gwapong mukha ni Kelvin. Para sa kanya, ang mukha ng asawa ang pinaka-pogi at pinaka-gwapo para sa kanya ngayon.
Sumilay ang matamis na ngiti sa labi ni Yvonne. Nakatagilid sa pagkakahiga si Kelvin habang mahimbing ang tulog at yakap-yakap siya nito kaya malaya niyang napagmamasdan ang mukha ng asawa.
Naalala ni Yvonne ang nangyari kagabi sa pagitan nila ni Kelvin. Mas lalo siyang napangiti habang patuloy niyang pinagmamasdan ang mukha ng asawa.
Ilang sandali pa ay tiningnan rin ni Yvonne ang labi ni Kelvin na bahagya pang nakabuka at naglalabas ng mahihinang hilik, senyales na mahimbing pa rin ang tulog nito.
“Masyado ko siguro siyang napagod kagabi,” nangingiting bulong ni Yvonne. Napahag
