Ang sarap ng fiancé mo.
Ang sarap ng fiancé mo.
Ang sarap ng fiancé mo.
Hindi tumitigil sa pagtakbo sa ibabaw ng threadmill si Yvonne. Pawis na pawis na ang kanyang seryosong mukha at tila hindi siya nakakaramdam ng pagod.
Galit. Matinding galit ang nararamdaman ni Yvonne sa halip na pagod. Kagaya ng kanyang pagtakbo ay paulit-ulit na tumatakbo sa kanyang utak ang text message na iyon galing kay Alexa.
“Ang kapal talaga ng mukha niya.” Naalala ni Yvonne ang nakaraan. Ang nakaraan kung saan nandoon din si Alexa. “Hindi pa ba siya nakuntento na guluhin ang buhay ko noon at pati ang kasalukuyan ko gusto niyang wasakin?” nanggigigil na sambit pa niya.
Mas lalong binilisan ni Yvonne ang pagtakbo. Ngayon ay nakakaramdam siya nang pagsisisi kung bakit muli niyang pinapasok sa buhay niya si
