Nasa loob ng kanyang opisina si Yvonne. Naka-dekwatro siya na nakaupo sa kanyang swivel chair habang nakasandal ang likod sa sandalan nito at tinitingnan ang hawak na folder na naglalaman ng litrato ng isang babaeng modelo.
Sumilay ang ngiti sa labi ni Yvonne. Ilang sandali pa ay umalis siya sa pagkakasandal sa swivel chair saka inabot ng kanyang kanang kamay ang phone. Tinawagan niya si Fora, ang secretary niya.
“Pumasok ka rito sandali,” utos ni Yvonne kay Fora na kaagad sinagot ang pagtawag niya.
“Yes, Ma’am,” magalang na sagot ni Fora sa kabilang linya.
Ngumiti ulit si Yvonne. Ibinaba na niya ang tawag saka muling bumalik sa pagkakasandal sa kanyang swivel chair. Muli niyang tiningnan ang litrato ng magandang babae habang may iniisip din siyang isa pang babae.
---
“Here.” Inabot
