Kasing lalim na ng dagat ang gabi ngunit gising na gising pa rin ang diwa ni Eiann. Nakaupo siya sa swivel chair na nasa harapan naman ng kanyang mesa. Madilim sa loob ng kanyang kwarto kung nasaan siya ngayon at tanging ang table lamp lamang na nakapatong sa mesa ang nagbibigay ng kaunting liwanag sa buong paligid.
Nakakabingi ang katahimikan sa malalim na gabi. Tulog na tulog na si Arvus na nakahiga sa kama na pambata na nasa loob rin ngayon ng kwarto ni Eiann.
Hawak-hawak ni Eiann ang ten-inch tablet niya kung saan nakatutok sa screen nito ang mga mata niya habang mabagal na nagi-scroll. Isa-isa niyang binabasa ang naka-flash sa screen.
Napahinga nang malalim si Eiann. Ngumiti rin siya ng maliit. Natutuwa ang loob niya dahil sa kanyang mga nalaman.
“Successful na ulit siya,” sobrang
