Nakatayo sa harapan ng isang mahabang mesa na nakapwesto sa gilid ng pader si Alexa. Nakapatong sa mesa ang mga picture frames na may mga lamang litrato na isa-isang tinitingnan ng kanyang mga mata.
Napapangiti nang maliit si Alexa. Nakikita niya kasi ang mga litrato ni Arvus doon simula noong baby pa ito hanggang ngayon na magli-limang taong gulang na ito.
Kinuha ni Alexa ang isang picture frame. Mas lumaki ang ngiti sa labi niya habang tinitingnan ang litrato ni Arvus. Ito ang latest picture nito kung saan buhat-buhat siya ni Eiann. Naalala niya na siya ang kumuha nito kaya natutuwa siya na makita ang litrato.
Ilang minuto pa ang lumipas nang marinig ni Alexa ang pagbubukas ng pintuan ng bahay. Lumingon siya sa kinaroroonan nito at nakita niyang pumasok si Eiann na kagagaling lang sa
