Nakaupo sa swivel chair si Yvonne. Nasa loob siya ng kwarto at abala sa ginagawang trabaho na inuwi niya sa bahay dahil hindi niya natapos sa opisina.
Maya-maya ay tumigil muna sa pagta-type sa keyboard ng kanyang laptop na nakapatong sa kanyang mesa si Yvonne saka inalis ang paningin sa screen. Nag-stretching siya ng mga braso at inikot-ikot din niya ang kanyang ulo para maalis ang pangangalay ng mga ito dahil ilang oras na rin siyang nakaupo.
Matapos mag-stretching ay tiningnan naman ni Yvonne ang oras sa alarm clock na nakapatong sa mesa niya. Nakita niyang alas-syete na pala ng gabi.
Sumagi sa utak ni Yvonne si Kelvin. Bahagyang kumunot ang noo niya. “Bakit kaya wala pa siya?” tanong niya sa hangin. “Siguro ang dami niyang deliver ngayon,” bulong niya pa.
Tumingin si Yvonne sa bint
