Nasa labas ng bahay si Yvonne. May hawak siyang sprinkler kung saan may laman iyong tubig at iyon ang ginagamit niya sa pagdidilig ng mga halaman sa paligid ng bakuran niya.
Habang nagdidilig, tumatakbo sa isipan ni Yvonne ang nangyari kahapon sa pagitan nila ni Kelvin. Hindi niya maintindihan kung bakit hindi iyon maalis sa isipan niya at ang isa pa sa pinagtataka niya ay kung bakit hanggang ngayon ay apektadong-apektado siya.
Bahagyang nagbuga nang hininga si Yvonne. Umiling-iling din siya.
“Wala lang iyon,” bulong ni Yvonne. “Kalimutan mo na,” dugtong pa niyang usal.
Nagpatuloy sa pagdidilig ng halaman si Yvonne. Tiningnan niya ang paligid. Maganda ang panahon ngayon. Mataas na ang sikat ng araw pero hindi maalinsangan dahil umiihip ang may kalamigang hangin.
Lumipas ang halos kins
