Magkatabi na nakaupo sa mahabang sofa sina Yvonne at Kelvin. Nakatutok ang mga mata ni Yvonne sa malaking LCD smart tv at pinapanuod ang pelikulang nagpe-play doon habang nakatingin naman si Kelvin sa kanya.
Nakasarado ang lahat ng kurtina at kaunti lamang ang tumatagos na liwanag sa bintana mula sa labas.
Napapangiti si Kelvin. Tiningnan niya ang malaking tv sa harapan. Hangang-hanga si Kelvin sa laki ng telebisyon ni Yvonne na sa kanyang palagay ay nasa one hundred inches. Para na nga silang nasa loob ng isang sinehan.
“Grabe, pwede ka na palang hindi pumunta sa sinehan kasi nandito na siya sa bahay mo,” sabi ni Kelvin na mababakas ang paghanga sa boses.
Sandaling tiningnan ni Yvonne si Kelvin. Tinaasan niya ito ng kanang kilay saka bumalik din ang tingin sa telebisyon.
“Hindi ka pa
