Nailipat na sa normal room si Kelvin matapos niyang manatili at obserbahang mabuti sa ICU ng isang araw. Nagiging mabuti ang kalagayan niya at labis iyong ipinagpapasalamat ni Yvonne.
Ngunit hindi mapigilan ni Yvonne na mag-alala pa rin para sa asawa. Hangga’t hindi pa rin ito nagkakamalay ay patuloy lamang siyang mag-aalala. Awang-awa rin siya sa sinapit nito habang tinitingnan ng mga wala pang tulog niyang mga mata habang nakatayo sa gilid ng kamang hinihigaan nito.
May mga nakakabit na tubo kay Kelvin. May benda ang ulo nito. May cast at benda ang kaliwang braso nito at ang kanang binti. May mga sugat at pasa rin itong natamo sa mukha at katawan na medyo nagkakaroon na ng kulay. Hanggang sa kasalukuyan ay hindi pa rin ito nagkakamalay.
Huminga nang malalim si Yvonne. Hindi niya iniin
