Nasa loob ng kanyang home office si Eiann. Hindi na muna siya pumasok sa trabaho dahil masama ang pakiramdam niya. Gayunman, ipinagpapatuloy ni Eiann ang nabinbin niyang trabaho dito sa home office niya at tinitiis ang pananakit ng kanyang ulo. Kailangan niyang matapos ang ginagawa niya ngayong araw.
Pamaya-maya ay huminto muna sa kanyang ginagawa si Eiann. Sandali niyang ipinikit ang kanyang mga mata saka huminga nang malalim habang nakaupo pa rin siya sa kanyang swivel chair. Hinilot rin niya ang kanyang sentido para mabawasan ang pananakit na nararamdaman niya.
Tok-tok! Tok-tok-tok!
Muling idinilat ni Eiann ang kanyang mga mata saka tumingin sa pintuan ng opisina niya nang marinig ang sunod-sunod na pagkatok doon.
“Pasok!” pasigaw na sambit ni Eiann para papasukin ang kung sino mang
