Nakatayo sa harapan ng body mirror sa loob ng kwarto si Kelvin. Tinitingnan niya ang kanyang sariling repleksyon doon.
Sumilay ang ngiti sa labi ni Kelvin. Medyo naninibago na naman siya sa kanyang ayos ngayon na lalong nagpagwapo sa kanya.
Ngayon ang unang araw na papasok si Kelvin sa kumpanya ni Yvonne kaya naman dapat ay nakaporma siya. Hindi siya madalas pumorma at ayos na sa kanya ang t-shirt o polo shirt saka maong short o pants kaya naman naninibago siya kapag magsusuot siya ng gaya ng suot niya ngayon.
Nakaayos ang buhok ni Kelvin paitaas na nilagyan niyang wax na medyo nagpakintab din sa kanyang buhok na bagong gupit. Naglagay rin siya ng pulbos sa mukha para hindi siya magmukhang oily kahit hindi naman talaga mantikain ang makinis niyang mukha. Nakasuot siya ng itim na semi-fi
