Abala sa kanyang ginagawa si Yvonne. Nakaupo siya sa kanyang swivel chair habang nakatutok naman ang mga mata niya sa screen ng kanyang ginagamit na laptop na nakapatong naman sa office desk niya.
Ilang minuto pa ang lumipas ay tumigil sandali sa pagta-type si Yvonne. Inalis niya ang kanyang tingin sa screen ng laptop saka sumilay ang ngiti sa labi niya dahil naalala niya si Kelvin.
Wala si Kelvin sa loob ng opisina ni Yvonne dahil kasama nito ngayon si Fora. Pinakiusapan niya si Fora na i-guide si Kelvin sa mga dapat nitong gawin bilang secretary din niya.
“Sana hindi siya mahirapang tandaan ang lahat ng ituturo sa kanya,” bulong pa ni Yvonne.
Pamaya-maya ay napatingin si Yvonne sa pintuan ng kanyang opisina. Nakita niyang bumukas iyon at pumasok si Kelvin na nangiti ang labi nang tin
