Napapangiti si Alexa habang pinapanuod niya ang kanyang anak na si Arvus na nakikipaghabulan sa daddy niya na si Eiann. Nasa park sila ngayon at naisipan nilang dalawa na ipasyal ang kanilang anak. Kasama rin nila ang yaya ni Arvus na nakatingin lamang din sa mag-ama.
Nakaupo si Alexa sa picnic mat na nakalatag sa berdeng-berde ang kulay na bermuda grass. Nasa paligid naman niya at nakapatong din sa picnic mat ang mga microwavable containers na naglalaman ng mga pagkaing inihanda niya kasama ang yaya ni Arvus.
Mas lalo pang napangiti ang labi ni Alexa nang makita niyang binuhat ni Eiann si Arvus saka bahagya nitong inaangat-angat sa ere na nagpapabungisngis at nagpapahalakhak ng malakas kay Arvus. Natutuwa ang pakiramdam niya dahil nakikita niya ang ngiting sumisilay sa labi ni Eiann hab
