Tuwid na nakatayo sa harapan ng pintuan si Yvonne. Seryoso ang kanyang mukha habang nakatingin rito. Nagdadalawang-isip si Yvonne kung papasok na ba siya sa loob ng kwarto kung saan naroon si Eiann o hindi na muna.
Pupuntahan ni Yvonne si Eiann para kumustahin kung okay na ba ang pakiramdam nito. Kahit papaano ay nakakaramdam pa rin siya ng pag-aalala para kay Eiann lalo na at nakita niya kanina kung paano ito mamilipit sa matinding sakit ng ulo.
Huminga nang malalim si Yvonne. Hinawakan niya ang doorknob at pinihit iyon pabukas.
Itinulak ni Yvonne ng dahan-dahan ang pintuan hanggang sa mabuksan ito ng kaunti. Sinilip niya ang loob.
Nakita ni Yvonne si Eiann na nakatayo sa tapat ng bintana at tinitingnan ang view sa labas. Sa kanyang palagay ay tulala itong nakatingin sa kawalan.
Muli
