Nakatihaya sa pagkakahiga sa kama si Eiann at wala pa ring malay hanggang ngayon. Magkatabi namang nakatayo sa gilid ng kama sina Yvonne at Kelvin at matamang nakatingin kay Eiann.
Nakakabingi ang katahimikan sa loob ng kwarto matapos umalis ng doktor na tinawagan ni Yvonne at tumingin kay Eiann. Ayon sa doktor, stable na ang kalagayan ngayon ni Eiann at kailangan lang muna nito ng pahinga. Nagpaalala rin ito na huwag masyadong ma-stress si Eiann lalo na at nasa recovery stage pa lamang ito matapos ng aksidenteng nangyari rito.
“Bakit hindi mo sinabi sa akin?” Kasing-seryoso ng mukha ni Kelvin ang tinig niya. Hindi niya tinapunan nang tingin si Yvonne at nananatili iyong na kay Eiann.
Naalis naman ang tingin ni Yvonne kay Eiann at nalipat kay Kelvin. Hindi ito nagsalita.
“Totoo ngang m
