Nakakabingi ang katahimikan sa loob ng hospital room ni Eiann. Nakaupo si Eiann sa ibabaw ng kanyang kama habang nasa bintana ang tingin. Nakikita niya mula sa labas ang maaliwalas na panahon.
Abala naman si Alexa sa paghahanda ng kakainin ni Eiann. Nakatayo ito sa harapan ng isang mesa at inilalagay sa mangkok ang inorder niyang lugaw. Naghanda rin siya ng tubig na maiinom ni Eiann.
Natapos si Alexa sa ginagawa. Tiningnan niya si Eiann. Nakita niyang tulala itong nakatingin sa may bintana.
Humugot nang malalim na hininga si Alexa. Sandali nitong ipinikit ang mga mata at matapos ang ilang segundo ay muli din siyang dumilat.
Dahan-dahang nilapitan ni Alexa si Eiann. Tumayo siya sa gilid ng kama nito.
“Eiann,” mahinahong pagtawag ni Alexa kay Eiann.
Bumalik sa sarili si Eiann. Bumaba a
