Marahang idinilat ni Eiann ang kanyang mga mata. Sumalubong sa kanyang paningin ang puting kisame.
Natulala si Eiann. Tumatakbo sa kanyang isipan ang mga nalaman niya mula kay Alexa. Hindi siya makapaniwala at ayaw niya iyong paniwalaan.
Napabuntong-hininga nang malalim si Eiann. Muli niyang ipinikit ang mga mata.
Ilang minutong nakapikit si Eiann ang lumipas ng muli itong dumilat. Tinagilid niya ang kanyang mukha. Bumaba ang tingin niya.
Nakita ni Eiann si Alexa na mahimbing na natutulog sa tabi niya. Nakaupo ito sa monoblock chair at nakapatong ang ulo sa hinihigaan niyang kama.
Nakaramdam nang pagkaawa si Eiann. Naalala niya ang mukha nitong luhaan. Hindi niya maintindihan pero nang makita niya itong umiiyak, nakaramdam siya nang pagkahabag.
‘Nagsasabi ba talaga siya ng totoo?’ sa
