Nasa loob ng kanyang opisina si Eiann. Isa-isa niyang tinitingnan ang mga litratong hawak niya. Sa bawat pagtingin niya sa mga litratong iyon ay nakakaramdam siya nang pagkainis at selos.
“Palagi po silang magkasama, Boss. Namamasyal sila sa iba’t-ibang lugar dito sa probinsya ng Sidera. Ang tingin nga ng ibang tao sa kanila ay magkasintahan na at ang iba naman ay mag-asawa na. Kilala din kasi si Kelvin dito kaya hindi rin nakakaligtas sa usapan ng mga tao.”
Marahas na napabuntong-hininga si Eiann. Kinakalma niya ang kanyang sarili. Tiningnan pa niya ang iba pang mga litrato.
Naiinis nang sobra si Eiann lalo na at nakikita niyang napapangiti ni Kelvin ang asawa niyang si Yvonne. Kung titingnan ang mga litrato at hindi niya kilala ang mga ito, aakalain niyang may pagtingin nga sa isa’t-i
