Nanlaki ang mga mata ni Yvonne sa gulat sa sinabi sa kanya ng kanyang kausap sa phone.
“What?!” Hindi makapaniwala si Yvonne na magagawa iyon ni Eiann. “Hindi ‘yan pwede Attorney. Bakit niya pinatigil ang divorce naming dalawa?” tanong pa nito.
Umagang-umaga ay iyon ang bumungad na balita kay Yvonne. Akala niya ay ibabalita sa kanya ng kanyang abogado na na-grant na ang divorce nila ni Eiann ngunit malaman-laman niya na hindi pala at ang masama pa, pinatigil iyon ni Eiann.
“Gumawa kayo ng paraan, Attorney,” nanlulumong sambit ni Yvonne. Hindi pwedeng matigil ang divorce nila ni Eiann. Gustong-gusto na niyang mapawalang-bisa ang kasal nilang dalawa para tuluyan na siyang maging malaya at wala ng dahilan pa para makita niya ito.
“Kung kinakailangan ay luluwas ako diyan at ako ang aayos n
