Madilim sa loob ng kwarto ni Kelvin. Tanging ang sinag lamang ng buwan na tumatagos sa bintana niya ang nagbibigay liwanag sa kalooban nito.
Nakaupo si Kelvin sa gilid ng kama niya. Magkapatong ang kanyang mga kamay sa kanyang hita na parang nagdarasal. Bakas sa kanyang mukha ang pag-aalala.
Hindi makatulog si Kelvin. Puno siya nang pag-aalala para kay Yvonne. Nag-aalala siya dahil baka kung ano ang gawin ng dati nitong asawa na si Eiann sa kanya lalo na at nakita pa sila nitong magkasama.
Lalaki si Kelvin kaya naman alam niya na nagseselos si Eiann sa kanila ni Yvonne. Nakita din naman niya iyon kanina at may mga bagay na nagagawa ang isang tao kapag nakakaramdam ng selos. Pwedeng mabuti iyon o di kaya ay hindi maganda.
Mariing napailing-iling si Kelvin.
“Nag-usap lang naman siguro s
