CHAPTER 19
Nakapagdesisyon si Liam na kausapin na kinabukasan si Justine. Kinaya niyang tiisin ang huli dahil pinaparamdam sa kaniya kung gaano siya kahalaga. Ang paghahabol ni Justine ang dahilan kung bakit mas nagiging matatag siya. Lalong nabuo ang kaniyang pagtitiwala na mahal siya ni Justine nang lumuhod ito sa harapan niya para lang kausapin siya at patawarin. Nakangiti siya sa gabing iyon. Nasubok kasi niya ang kahalagahan niya kay Justine.
Gustung-gusto na niyang mag-umaga para muli niyang masilayan si Justine. Mabubuo na silang muli. Si Janna na ang kusang nagpalaya sa pag-iibigan nila at wala nang dahilan pa para ipagkait niya ang pagtitiwala, pagpapatawad at pagmamahal kay Justine na patuloy na nagpapakita na siya ang pinaninindigan nito. Mahal siya ni Justine. Nararapat lang
