CHAPTER 20
Kinakabahan man ay nagdesisyon siyang harapin ang balik ng kaniyang mga ginawa sa mga nakaraang buwan. Magulo ang utak niya nang papasok na siya sa office ng Daddy niya. Wala pa siyang nagagawang malinaw na idadahilan. Marami kasi siyang dapat isaalang-ala kung aamin siya sa Daddy niya. Tanggap naman niya kahit ano ang mangyari kung siya lang ang maapektuhan kaya lang paano si Justine? Bahala na. Susunod siya sa agos ng pag-uusapan.
Walang ngiti sa labi ng Daddy niya nang pumasok siya. Sandaling nagkatinginan sila ni Justine ngunit mabilis din lang itong yumuko. Sa lakas ng kabog sa kaniyang dibdib ay parang hindi na naging maayos ang kaniyang paghinga. Hindi din siya makatingin ng diretso sa daddy niya. Nahihiya siya.
"Good morning, Dad." Mahina lang iyon at tagos ang tingin
