CHAPTER 21
Nakita niya ang pagbalong ng luha sa gilid ng mga mata ni Borj. Hindi niya lang maintindihan kung bakit ganoon ang nakita niyang mabilis na reaction ng bestfriend.
"Nasaan si Justine? Bakit ikaw ang nandito? Nasaan siya?" sunud-sunod niyang tanong.
Huminga ng malalim si Borj. Hindi pa man umaagos ang luha niya ay mabilis na niya iyong pinunasan.
"Hindi na makakarating si Justine, Liam. Hindi mo na siya mahihintay pang sumunod sa'yo dito."
"Bakit? Anong nangyari sa kaniya? Borj, anong nangyari kay Justine?"
Biglang pumasok sa isip niya ang sinabi nitong paggamit ng bakal na kamay kay Bobby.
Paano kung ginawa niya iyon at nakakulong siya ngayon?
Paano kung siya pala ang napatay ni Justine?
Nahirapan siyang huminga.
Nakaramdam siya ng pagkahilo.
Hindi niya magawang lumuh
