Pagdating sa nasabing tulay ay may mga naka-itim na lalaki ang nakaabang na mahigit sampo ang dami, inihinto naman ng lalaking driver ang Van.
“Ako na ang babaril, patulugin mo na lang ang babaeng 'yan, masyado nang malikot,” utos ng driver sa kasamang nasa backseat at agad nang inihanda ang injection gun.
Marahas namang umiling si Jeziel at pinilit pa rin magpumiglas kahit nakaposas na. Hindi na siya makapagsalita pa dahil may tali na ng necktie ang kanyang bibig. Nang iturok sa kanya ng isang lalaki ang hawak nitong injection ay hindi na siya nakailag pa, ramdam niya ang pagbaon ng matulis na karayom sa kanyang balikat.
Para siyang nanghina at biglang hinila ng antok. Pero bago niya naisara ang kanyang mga mata ay kitang-kita niya pa side mirror ng Van ang pakikipaglaban ni Alex sa mg
