KABANATA 25
Giovanni
“DO you want me to turn off the aircon?” tanong ni David sa akin pero nanatili lang ang tingin ko sa labas ng kotse pinagmamasdan ang malakas na buhos ng ulan.
Narinig ko ang malalim niyang buntonghininga nang hindi ko siya sagutin. Nabawasan ang panginginig ko nang mawala ang lamig ng aircon sa akin.
“David, sa apartment na rin ako ni Mer bababa ah,” saad ni Sanya sa likod na ramdam ko ang matinding pag-aalala sa akin.
Naging tahimik ang biyahe at ikipinagpasalamat ko iyon. Wala muna akong nais marinig pagkatapos ng mga nangyari kanina. Ang tanging gusto ko lang ay makauwi at mayakap nang mahigpit ang anak ko.
Ipinikit ko ang mga mata ko at pilit inalis sa isip ko ang mga naganap kanina pero hindi ako nagtagumpay. Sariwa pa rin sa alaala ko ang pagkapahiyang
