KABANATA 24
She’s gone
“LET’s take out our orders—”
Pinigilan ko ang kamay ni David na tatawagin ang crew para ipabalot ang mga pastries at coffees na dumating na pala habang nasa labas kami.
“Ayos lang ako, hindi natin kailangang umalis para sa kanya,” saad ko’t tinikman ang kape na nasa harap ko.
Mapait-pait ‘yon pero manamis-namis din dahilan para magustuhan ko. Tumango-tango pa ko’t ngumiti nang matikman naman ang blueberry cheesecake. May pag-aalala sa mga mata ni Sanya na nakatingin sa akin pero nginitian ko lang siya’t sinenyasan siyang kumain na.
Dahil ang direksyon ng puwesto ko ay nasa harap ng lamesang kinaroroonan ni Ashton ay hindi maiwasang mapasulyap ako. Ang atensyon niya na ay nasa mga kasama niya. Seryoso ang bawat isa na tila ba may importanteng pinag-uusapan.
