KABANATA 12
Sunshine
“MEREDITH!”
Ang malakas na sigaw ni Nanay sa baba ang nagpagising sa akin. Seryoso ang mukha ng Nanay na hinawi ang kurtina papasok ng silid ko.
“Anong nangyari sa inyo kagabi ni Ashton?”
Kumunot ang noo ko sa tanong niya pero nang mapagtanto kung paano sa pamamagitan ng aksyon ay ipinagsigawan ni Ashton kung ano ako sa kanya kagabi sa party ay nanlaki ang mga mata ko.
Napangiwi ako at naalala na nang hinatid ako ni Ashton kagabi ay tulog na ang Nanay at si Tatay na lang ang gising. Hatinggabi na rin kaya hindi ko na pinapasok pa si Ashton kahit na gusto niya nang ipagtapat ang nararamdaman niya sa akin sa harap ng mga magulang ko.
Natural ay naikalat na iyon ng mga katulong kina Ashton na mga taga-Isla rin.
“P-po? Wala naman po—”
“Usap-usapan ka sa talip
