Pinuntahan ko si Prof Fuentes sa mismo ding araw na iyon at doon nalaman ko ang dahilan ng pag-alis niya. Ipinadala pala siya sa isang national convention sa Maynila at pagkatapos, dederetso na sa isang special training. Mga dalawang buwan din siya doon. Imbis daw kasi na tanggapin ng school president ang resignation, na-promote pa siya bilang dean ng student affairs ng college. “Ang tindi talaga ni Sir James! Ambagsik!” sabi ko sa sarili.
Doon ko na rin napag-alaman ang assignment ko, “Immersion”.
“What is that again, professor?” ang tanong kong ramdam ang tila biglang pagkati ng anit ng ulo.
“Mr. James Cruz had contacted a family in the rural area to be your adoptive family. You will stay with them for two months, share family works and routine, eat what they eat, and live like you w
