Mistulang binuhusan ng malamig na Tubig si Anton sa tanong ko. “Hoy, Anton! Tinanong kita! May iba bang mahal si Sir James?”
“A, e... wala Carl, wala!” Ang sagot niyang hindi makatingin sa akin.
“Tol, nagsisinungaling ka, alam ko. Meron kang alam na hindi ko alam. Ano iyan? Sabihin mo! Magdaramdam talaga ako sa iyo kapag hindi mo sinabi sa akin kung ano man ang nalalaman mo.”
“Wala nga Carl, cross my heart.” Pagdiin niya. “Atsaka, wala ka bang tiwala kay kuya? Kung gusto mo, itanong mo sa kanya pagdating niya.” Ang seryoso niyang paliwanag.
“O sige, maniwala na ako.” Ang nasabi ko na lang, inisip na wala din akong magagawa kung ayaw niya talagang magsalita. At saka, sumiksik na rin sa isip ko na kung mayroon man kaming problema ni James, kusa niyang sabihin sa akin iyon. “Oo nga pala t
