Napakasaya ko sa araw na iyon sa muli naming pagsasama ni si Sir James pagkatapos ng isang taong malayo kami sa isa’t-isa.
Pagkatapos naming magtampisaw sa batis, umuwi na kami ng bahay at kinagabihan sa dating kwarto ulit kaming dalawa natulog; sa kwarto na kung saan namin pinatibay ang naramdaman para sa isa’t-isa; sa kwarto na kung saan nagkudlit kami ng balat, nagpatak ng dugo tanda ng aming wagas na pagmamahalan. At doon, muli naming tinamasa ang bugso ng aming damdamin, mas mainit, mas mapusok.
Ngunit tila may napansin akong kakaibang lungkot at pag-alala sa mukha ni Sir James. Hindi man niya ipinapahalata ito, dama ko na may malaking bagay na bumabagabag sa isipan niya. Gusto ko sanang itanong kung ano ito ngunit hinayaan ko na lang, isiniksik sa isip na baka kapag handa na siya,
