“NOVA, makikisuyo sana ako para kunin ang mga labahin sa silid ng Don Gabriel at Senyorito Lucas. Sumasakit kasi ang mga binti ko sa pagpanik.”
Abala sa paghihiwa ng patatas si Nova nang makiusap sa kaniya si Fe. Isa sa mga kasama nila sa bahay na naglilingkod sa mga Sebastian. Lubhang masunurin at napakabait na bata ni Nova kung kaya’t isang ngiti ang iginanti nito sa ginang at tumango. “Sige po, Aling Fe. May ipakukuha pa po ba kayo nang sa ganoon ay hindi na kayo magpabalik-balik sa itaas?” Sinimulang itabi ni Nova ang ginagawa at hinugasan sa lababo ang ginamit na kutsil yo at sangkalan.
Naupo ang ginang sa isang stool sa tapat ng counter. “Wala naman na, Nova. Maraming salamat ah? Kung pupwede idiretso mo na lamang sa laundry area at susunod na lamang ako, ipapahinga ko lamang ang
