NGAYONG ARAW ang pagbalik ni Don Gabriel sa Maynila. Hindi na ito nagpaalam pa sa anak dahil sa naganap na pagtatalo ng mag-ama sa hapagkain kahapon lamang. Ngayong araw rin ang ikalawang araw ni Nova bilang kasambahay ng mga Sebastian. Kaagad siyang natuto sa mga dapat gawin ngunit batid niyang marami pa siyang kailangang matutunan upang mas maging maganda ang kaniyang serbisyo. Hindi naman nagkulang ng pagtuturo si Aling Ester kay Nova patungkol sa ilang batas ng Senyorito Lucas sa loob ng mansion. Ayon kay Aling Ester, tuwing umaaga ay lumalabas ito sakay ng puting kabayo at babalik ng hapunan ngunit kahapon ay hindi nakasakay sa kabayo dahil sa pagkakasakit ni Snow White. Kaagad itong inagapan ng isang vet ngunit hindi sapat kung kaya naman kinailangang dalhin si Snow White patungo sa
