“BITAWAN mo siya, Daniela!”
Narinig ni Nova ang matigas na tinig ni Lucas subalit hindi niya na ito nagawa pang pagtuonan ng pansin. Ang mga palad ng babae ang mas binigyan niya ng pansin lalo na at kaunti na lamang ay mauubos na ang kaniyang buhok. Namamasa na rin ng luha ang kaniyang mga mata dahil sa hapdi. Hindi niya malaman ang dahilan kung bakit hindi niya nagawang lumaban. Ganito ba talaga siya? Isang mahinang babae at hahayaan na lamang ang kung sinong saktan siya nang walang matinong dahilan?
“Damn! You’re fvcking crazy!” Lumapit si Lucas sa dalawang babae at mahigpit na hinawakan sa braso ang babaeng tinawag nitong Daniela. “I said, bitawan mo siya!!” Dahil tiyak na mas malakas si Lucas ay nagawa nitong buksan sa mahigpit na pagkakasabunot ang mga palad ni Daniela at hinatak
