NAGISING si Daniela nang mag-isa sa loob ng silid. Kaagad niyang hinanap si Lucas ngunit bigong makita ang lalaki. Nangilid na lamang ang luha sa kaniyang mga mata. Wala na ba talagang pag-asa? Hanggang kailan niya ipipilit ang sarili sa isang lalaking walang pakialam sa kaniya? Maging siya ay hindi alam ang sagot. Sinusunod niya lamang kasi ang laman ng dibdib. Bumaba ang kaniyang tingin sa pulsohan na kaniyang sinugatan kanina lamang, ngayon ay nakabenda na ito.
Pinunasan niya ang basang pisngi. Hindi niya man lang nasaksihan kung nag-alala ba sa kaniya si Lucas o hindi. Iyon lang naman ang nais niyang malaman. Hindi epektibo ang ginawang pagpapakamatay, ano na lamang kaya ang isusunod niyang plano? Ano man ang mangyari, sisiguraduhin niyang sa kaniya babagsak si Lucas. Iibigan siya ni
