IKA-APAT na araw nila sa Maynila ngayong araw at ilang araw na lamang ang natittira kay Lucas upang matapos ang trabaho kaya naman buong araw itong naging abala. Maigi na lamang at nalusutan nito ang galit na galit na ama nang dahil sa kaniyang pagliban sa trabaho kahapon. Nagamit pang dahilan ang tungkol sa pagpapakamatay ni Daniela kung kaya’t hindi nakapasok sa opisina. Talagang makagagawa ng paraan ang isang Lucas, ngunit ngayong araw ay nag-suffer ito sa matinding trabaho.
Naging abala si Nova sa paglilinis ng buong bahay katulong ang mga kasambahay. Kahit na ilang ulit pang pigilan siya ng mga ito ay nagmamatigas siyang tumulong. Hindi kasi siya sanay na walang ginagawa. Nang matapos sila sa trabaho ay nagkaayaang sila ni Annie na magpahinga sa gilid ng pool at kumain ng iniluto ni
