SA KANILANG naging buong byahe ay hindi lumabas ng silid si Lucas at Nova. Anim na oras din mahigit ang tinagal ng byahe hanggang sa tuluyang dumaong ang yate. Isa-isang kinatok ng driver ang pintuan ng kanilang silid upang ipaalam na sila ay nakarating na sa Maynila. Nagkasabay si Lucas at Nova na lumabas ng silid habang si Daniela ay nauna nang makababa. “Dito, Lucas!” sigaw ni Daniela sa ibaba at kumaway-kaway. Katabi nito ay ang isang mahabang sasakyan na kulay itim. Ito ang kanilang sasakyan patungo sa Villa.
Tumikhim na lamang si Lucas habang hindi maipinta ang mukha na bumaba ng yate. Sumunod naman kaagad si Nova. Naunang pumasok si Daniela sa loob ng sasakyan. Tangkang susunod si Nova sa tabi nito ay hinawakan ni Lucas ang kaniyang kamay upang pigilan. “Sa likod tayo.” Inaya siya
