HINDI PINANSIN ni Lucas ang sinabi ni Nova. Umalis siya sa harapan nito at lumapit sa hilera ng mga pambabaeng bistida. Kumuha siya ng isa at iniharap ito kay Nova. “Great,” aniya sa sarili at itinupi sa braso ang bistidang pula. Sa kaniyang palagay ay sakto ito sa manipis na pangangatawan ng babae. Kumuha pa siya ng iba sa isang hilera bago lumipat sa kabila pa. Sunod-sunod ang kaniyang kinuha na ikinapagtataka ng babae. Nakasunod lamang ito sa kaniya. Nang sa kaniyang palagay ay sapat na ang mga nakuha ay lumapit siya sa counter. Inilapag niya sa ibabaw ang lahat ng kinuhang damit at inilabas ang wallet mula sa bulsa sa dibdib ng suot na long sleeves polo. “Here.” Iniabot niya ang isang credit card sa cashier. “What do you think is her size? I feel like I took a wrong size,” tanong niya
